X
Reading Torah by Yemenite Proofread קריאת התורה בהגהה תימנית
Reading Torah by Yemenite Proofread קריאת התורה בהגהה תימנית
נשא מברך חמישי לשבת- Naso Fifth Aliya - Shabbat
/
  • נשא מברך חמישי לשבת- Naso Fifth Aliya - Shabbat

    נשא מברך חמישי לשבת- Naso Fifth Aliya - Shabbat

    Jun 1, 2022 • 00:05:32

    ויהי ביום כלות משה להקים את־המשכן וימשח אתו ויקדש אתו ואת־כל־כליו ואת־המזבח ואת־כל־כליו וימשחם ויקדש אתם׃ ויקריבו נשיאי ישראל ראשי בית אבתם הם נשיאי המטת הם העמדים על־הפקדים׃ ויביאו את־קרבנם לפני יהוה שש־עגלת צב ושני עשר בקר עגלה על־שני הנשאים ושור לאחד ויקריבו אותם לפני המשכן׃ ויאמר יהוה אל־משה לאמר׃…

עדכון זמן הקפצנו אותך לנקודה הקודמת שעצרת      
     
ויהי ביום כלות משה להקים את־המשכן וימשח אתו ויקדש אתו ואת־כל־כליו ואת־המזבח ואת־כל־כליו וימשחם ויקדש אתם׃ ויקריבו נשיאי ישראל ראשי בית אבתם הם נשיאי המטת הם העמדים על־הפקדים׃ ויביאו את־קרבנם לפני יהוה שש־עגלת צב ושני עשר בקר עגלה על־שני הנשאים ושור לאחד ויקריבו אותם לפני המשכן׃ ויאמר יהוה אל־משה לאמר׃ קח מאתם והיו לעבד את־עבדת אהל מועד ונתתה אותם אל־הלוים איש כפי עבדתו׃ ויקח משה את־העגלת ואת־הבקר ויתן אותם אל־הלוים׃ את׀ שתי העגלת ואת ארבעת הבקר נתן לבני גרשון כפי עבדתם׃ ואת׀ ארבע העגלת ואת שמנת הבקר נתן לבני מררי כפי עבדתם ביד איתמר בן־אהרן הכהן׃ ולבני קהת לא נתן כי־עבדת הקדש עלהם בכתף ישאו׃ ויקריבו הנשאים את חנכת המזבח ביום המשח אתו ויקריבו הנשיאם את־קרבנם לפני המזבח׃ ויאמר יהוה אל־משה נשיא אחד ליום נשיא אחד ליום יקריבו את־קרבנם לחנכת המזבח׃ ויהי המקריב ביום הראשון את־קרבנו נחשון בן־עמינדב למטה יהודה׃ וקרבנו קערת־כסף אחת שלשים ומאה משקלה מזרק אחד כסף שבעים שקל בשקל הקדש שניהם׀ מלאים סלת בלולה בשמן למנחה׃ כף אחת עשרה זהב מלאה קטרת׃ פר אחד בן־בקר איל אחד כבש־אחד בן־שנתו לעלה׃ שעיר־עזים אחד לחטאת׃ ולזבח השלמים בקר שנים אילם חמשה עתודים חמשה כבשים בני־שנה חמשה זה קרבן נחשון בן־עמינדב׃ ביום השני הקריב נתנאל בן־צוער נשיא יששכר׃ הקרב את־קרבנו קערת־כסף אחת שלשים ומאה משקלה מזרק אחד כסף שבעים שקל בשקל הקדש שניהם׀ מלאים סלת בלולה בשמן למנחה׃ כף אחת עשרה זהב מלאה קטרת׃ פר אחד בן־בקר איל אחד כבש־אחד בן־שנתו לעלה׃ שעיר־עזים אחד לחטאת׃ ולזבח השלמים בקר שנים אילם חמשה עתודים חמשה כבשים בני־שנה חמשה זה קרבן נתנאל בן־צוער׃ ביום השלישי נשיא לבני זבולן אליאב בן־חלן׃ קרבנו קערת־כסף אחת שלשים ומאה משקלה מזרק אחד כסף שבעים שקל בשקל הקדש שניהם׀ מלאים סלת בלולה בשמן למנחה׃ כף אחת עשרה זהב מלאה קטרת׃ פר אחד בן־בקר איל אחד כבש־אחד בן־שנתו לעלה׃ שעיר־עזים אחד לחטאת׃ ולזבח השלמים בקר שנים אילם חמשה עתדים חמשה כבשים בני־שנה חמשה זה קרבן אליאב בן־חלן׃ ביום הרביעי נשיא לבני ראובן אליצור בן־שדיאור׃ קרבנו קערת־כסף אחת שלשים ומאה משקלה מזרק אחד כסף שבעים שקל בשקל הקדש שניהם׀ מלאים סלת בלולה בשמן למנחה׃ כף אחת עשרה זהב מלאה קטרת׃ פר אחד בן־בקר איל אחד כבש־אחד בן־שנתו לעלה׃ שעיר־עזים אחד לחטאת׃ ולזבח השלמים בקר שנים אילם חמשה עתדים חמשה כבשים בני־שנה חמשה זה קרבן אליצור בן־שדיאור׃ ביום החמישי נשיא לבני שמעון שלמיאל בן־צורישדי׃ קרבנו קערת־כסף אחת שלשים ומאה משקלה מזרק אחד כסף שבעים שקל בשקל הקדש שניהם׀ מלאים סלת בלולה בשמן למנחה׃ כף אחת עשרה זהב מלאה קטרת׃ פר אחד בן־בקר איל אחד כבש־אחד בן־שנתו לעלה׃ שעיר־עזים אחד לחטאת׃ ולזבח השלמים בקר שנים אילם חמשה עתדים חמשה כבשים בני־שנה חמשה זה קרבן שלמיאל בן־צורישדי׃
[לקרוא עוד...]
[פחות...]